தமிழ் குறுக்கெழுத்து – 2


முதல் குறுக்கெழுத்து கொஞ்சம் எளிமையாக, அதே நேரம் கொஞ்சம் சுவையானதாக இருந்திருக்கும் என்று நம்புகிறேன்.

அதே போல், இந்த இரண்டாம் குறுக்கெழுத்தும் இருக்க முயற்சி செய்திருக்கிறேன். ஒரு சில cryptic clues ஆங்காங்கே இருக்கும்.

மற்றபடி எளிமையானதாகவே இருக்கும். எளிமைதானே தமிழ்!

தமிழிலேயே கலக்குங்கள்!

இடமிருந்து வலம்
1. எல்லாம் தெரியும் என்ற அகம்பாவம் இந்த புத்தகப் புழுவுக்கு (4)
3. சிரித்தே கொல்லும் பாவை இருக்கும் இடம் (5)
6. முற்காலத்தில் அரச வம்சத்தினர் இப்படித் தான் பயணித்திருப்பார்கள் (5, 2)
7. குழலையும் யாழையும் தோற்கடிக்கும் இசை (3)
8. சூர்பனகைக்கு அறுவை சிகிச்சை நடந்த இடம் (3)
9. இந்த மொழி தட்டச்சு இயந்திரத்தில் முதல் இரண்டு எழுத்துக்களைக் காணோம்! (3)
10. யதார்த்தத்துடன் குடுமியையும் இழந்து விட்டான் சோழியன் (3)
11. வானுக்குப் போக வாகனம் வந்து விட்டது (5)
13. விருத்தத்திற்கு ஒரு கம்பன்… வெண்பாவுக்கு _______ (5)
14. உருட்டியதால் சுருங்கிய பட்டாசுக் கடை (3)
17. மனைவியர் குலம்! (4)
18. பெண்கள் பருவத்தில் முதுமையிலும் இளமை! (6)

மேலிருந்து கீழ்
1. காலடியில் நசுங்கிய ராணுவம்? (5)
2. ஊரே பூட்டிக் கிடக்கிறது! (6)
3. மரத்தில் இருந்ததால் மூக்கடி பட்ட பாம்பு (4,4)
4. விண்ணப்பம் எழுதிய முதல் மனிதன் (2)
5. தமிழ் தாத்தா தேடியது (6)
7. மன்னரின் தலையில் தண்ணீர் கலன்! (4)
10. சோம்பேறி ஆகச் சொல்லும் வாசனைப் பொருள் (3)
12. வழித் தோன்றல்கள் (4)
15. எடை மிகுந்த நீதிபதி? (3)
16. சென்னையின் மூலையில் ஒரு வள்ளல்! (2)

(விடைகள் விரைவில்…)

தமிழ் குறுக்கெழுத்து


ஒரு சிறு முயற்சி.

‘ஒரு விலங்கு’, ‘ஒரு  நதி’ என்பது போன்ற கடினமான கேள்விகள் இல்லாமல் ஒரு குறுக்கெழுத்து புதிர் சாத்தியமில்லையா?

எளிதான இந்த குறுக்கெழுத்துக்கு விடை காண முயற்சி செய்து பாருங்கள். “என்கீ டமில் அவ்ளோவா பட்க தெர்யாது” என்பவர்கள் இங்கே சென்று பாருங்கள்.


இடமிருந்து வலம்:

1.  எந்தப் பக்கம் இருந்து பார்த்தாலும் தெரிவது தெனாலிராமன் தான்!
3.  செலவெல்லாம் போக எஞ்சியது இது தான்.
6. இலங்கை நகரத்து இசைக்கருவி.
9. தேவதத்தன் தொடுத்தது, சித்தார்த்தன் எடுத்தது.
10. நம் மொழியின் இலக்கணம் கூறும் பழம்பெரும் நூல்.
11. காலின்றி நடப்பன; இரையாகிப் பறப்பன.
12. தென்னையை முதலில் செதுக்கிய நகரம்.
15. எஃகை வார்த்து சிலிகான் சேர்த்து… ஏழாம் அறிவை எழுப்ப முயல்பவன்.

16 .முழங்காலின் எதிர்கட்சி தலைவர்?
17. திருக்குறளின் கம்பீரம்!

மேலிருந்து கீழ்:

1. இவரும் ஓட்டுனர் தான்!

2. காதலித்தால் வரும் என்கிறார்கள்.
4. அமுது, நிலவு, உயிர்…
5. தீ மூட்டிய ஆபரணம்?
6. கணியன் பூங்குன்றனார் சொன்னது
7. பேருந்தில் சென்ற மாமல்லன்

8. தனம் தரும், கல்வி தரும்… நாயகியின் துதிப் பாடல்
9. பாவகை – ஔவை விநாயகருக்குப் பாடியது

12. பழந்தமிழின் புதிய பெயர்!
13. எரிக்கும் உறவு?
14. இதைத் தாண்டி ஒன்றும் இல்லை!

(விடைகள் நாளை)